قاطو الجلجلان

وجدت هذه الحلوى أعجبتني كثيرا و أردت أن تشاركوني فيها و دعاء في ظهر الغيب لصاحبته نبدأ النقل اخواتي الحبيبات هذه الحلوى بسيطة وغير مكلفة،مناسبة لقهوة الصباح اوالمساء،ويمكن ايضا تقديمها مع الشاي في السهرية وفيمايلي اليكن :


1/المقادير:لحوالي 32حبة يلزم:


-كأس زبدة ذايبة نرجعوها للثلاجة حتى تجمد ونخدمو بيها.
-كأس ناقص 2 اصبع سكر ناعم.
-بيضة.
-نصف كيس خميرة كيميائية
-2ملعقة كبيرة جلجلان محمص.
-فرينة حسب الحاجة.
- 1شوكولا منى للتزيين.


2/التحضير:


باليد نخدمو مليح الزبدة ذايبة ومجمدة +سكر ناعم حتى يصبح المزيج كريمة بيضاء،ثم نضيف البيضةونخلط مليح حتى تتداخل مع الكريمة.


نضيفو الجلجلان ونشيحو بالفرينة مخلوطة بنصف كيس الخميرة:


نصنعو كويرات صغيرة باش حبات القاطو يكونو بحجم واحد،ونرابيو كل حبة في la rape


برفق نلمو لعجينة لمرابية وبدون ضغط عليها،نحطوها في سنيوة مدهونة بالزيت،وندخلوها الفرن على نار متوسطة.


باستعمال seringue نزينو كل حبة بالشوكولا الذايبة كما في الشكل:

وشهيتكم طيبة من محاولات تفاحة الاولى

شكرا أختي على هذه الكيفية الجميلة،أعتقد أنها تشبه الى حد ما غريبية اللمبوط.
بارك الله فيك.

السلام عليكم ورحمة الله تعالى وبركاته .............. امممممممم تبدو لذيذة جدا شكرا حبيبتي على هذه الكيفية السهلة لانه ومع العمل ليس لدينا الوقت للكيفيات السهلة. شكرا مرة اخرى .

شكرا يا تفااااااحة

شكرا لك أختي على هذه الوصفة الرائعة

امممممممممممممم شهيتيني شكرا على هذه الوصفة

شكرا لك، اضافة الى انها تبدو لذيذة فهي ايضا اقتصادية.

merci bien toufaha,mes filles les adorent beaucoup,en faite tous les gateaux de djeldjelene sont delicieux,,je demande bien d,autre svp