الرئيسية
المزاج
نصحوني اصحـابي مرة بالـزواج
وقالـولي بركـاك من التعــــــــواج
راهي رايحة ترمــيك الامــــــواج
إذا بقـــيــت في العــزوبــــــــــــية
بقيت في الليل نطلــع لحســـــــاب
ولقيت كلامــهم صــــــــــــــــواب
وفي الغد بعثتـــهم نـــــــــــــــواب
يطرحوا لاهـــلي لقضــــــــــــــية
بابا وافـــق في الحــــــــــــــــــال
وقال نجيـــبو بنت الخـــــــــــــال
و يـــمّا جاها في البــــــــــــــــال
تخطب لي وحـــدة بدويــــــــــــة
تفاهـــمنا على بنت لمدينــــــــــة
قالو فاهمـــة ورزينــــــــــــــــــة
راهي تتمخمــــخ في الكوزيــــنة
تطبــــخ طبخات شهيـــــــــــــــة
عوّلنا و قصـــــدنا لهم الــــــــدار
رافدين في يديـــــنا نـــــــــــــوّار
ودرنــــا روحــــــــــــــــنا زوار
قاصدين البيـــــت المعنيـــــــــــة
الرجل في بنتو يشكر ويزيــــــد
قارية ما تركت مسيــــــــــــــــد
وصحيحة كيما لحديــــــــــــــــد
بنت العلم و التربيــــــــــــــــــة
قلت واش هي الشــــــــــــروط
راني صرت بيكم مربــــــــوط
و مالي عندكم محـــــــــــطوط
و نزيدلكم الشهـــــــــــــــــرية
قالّي يا وليدي سجّـــــــــــــــل
عشرين سبّاط باش اتبـــــــدّل
و خمسيـن سروال مفـــــــصّل
و يكونوا ضيقيـن شــــــــــوية
وزيد كيلو ذهب صــــــــــافي
و تجيبو وانت حــــــــــــــافي
والشنتوف ماشي كــــــــــافي
هاذي حاجة رمــــــــــــــزية
بنتي راهي غاليـة و شريفـة
ما تتركش يدها خفيـــــــــفة
عشرين خاتم في قفيــــــــفة
تحطهم في يدهــــــــــــا هيّ
كرافاش بولحية ما تنســــاه
والمليار لازم يكون معــــاه
والليموزين لازم تلقــــــــاه
وتقدمو لبنتي هديـــــــــــــة
قالّي أسمع يا سي مــــــوح
بلاك تنسى خيـــــط الروح
باش يزيد لبنتي في الروح
و تبقى لك ديما حيــــــــــة
تشري لها عشر كبـــــــاش
والجاج المشوي ما تنسـاش
وزيد لها شوية قمـــــــــاش
هذي حاجة رمزيــــــــــــة
الطفلة نطقت من هيــــــــه
يا بابا لازم تنهـــــــــــــيه
يتركني ديما نحكــــــم فيه
و يمشي معايا بالنــــــــية
قالّي الشرط راه اخـلاص
نقراو الفاتحة قدّام النــاس
قلتلو هذا لابــــــــــــــاس
وين الهربة يا خـــــــــويا
درنا العرس نهار لخميــس
وكثر فيه الهاراج والتعفيس
والحالو ولاّت رفـــــــــيس
والناس تضحـــــــــك عليّ
الماكلة مستفـــة تستــــاف
وكل واحد رافد غــــرّاف
و هذا ياكل بالزعــــــاف
و يختمها بالكفريــــــــــة
جابوا لعروســــــــة للبيت
وكي شفتها انا تشـــوكيت
قاعدة ثمّه كي العفريـــت
غير تتخنـــــــــــــزر فيّ
لقيتها مركبة قطــع غيـــّار
شعرها واسنانها و لشفـــار
وكي ضحكت كل شي طار
هذي ماركة عصـــــــــرية
قالت لازم نبقى حــــــــرّة
ويمّاك أزرب جيبها بـــرّة
وما تكثرش أنت الهــــدرة
راني طفلة مرحيــــــــــــة
وانت تكون معاي معــــمي
قلت يا مرا لازم تفهـــــمي
ترفدي حوايجك وتلــــــمّي
و طيري اليوم علـــي !!!
