شكينا للوظيف العمومي مكان والو
شكينا للولاة مكان والو
شكينا للحكومة مكان والو
شكينا للبرلمان مكان والو
شكينا للوزير الأول مكان والو
شكينا لرئيس الجمهورية مكان والو
شكينا لسيدي السعيد مكان والو
شكينا للأمم المتحدة مكان والو
شكينا لمنظمات حقوق الإنسان مكان والو
شكينا لمنظمات الغير الحكومية مكان والو
شكينا ليعدلو القوانين مكان والو
يرحم بابك و يماك هذا اللي راه يعدل فالقوانين يكون عندو جرأة و يكتبنا شحال ليخلص و يهنينا
مثال حي عن موظف من الأسلاك المشتركة :
السكن الجمعة بني حبيبي مكان العمل جيجل
المسافة الى جيجل 43 من مقر الإقامة نخلص 60 فالمروح و فالمجئ 60
نزيد نركب 02 كلم 15 دج نطلع الصباح على 12:00 نهبط نتغدى نزيد نخلص 15دج
نتغدى العدس 120 و نتقهوا 20 و نزيد نطلع 15دج و من بعد 16:30 نهبط ب 15دج
فالصباح نوض على 06:00 و نرجع ف المساء على 18:00
احسب و حدك الشهر شحال راني نخلص و قولي الى كان عون امن في الصندوق الوطني للتقاعد او في الضمان الإجتماعي يخلص خير من متصرف في الأسلاك المشتركة فألسلام على هذه الأسلاك
ولكن الحمد لله على كل شئ
نسال الله بجميع اسمائه الحسنى و صفاته العلى ان يعوض علينا و ان ترجع إلينا حقوقنا و التي ستكون ان شاء الله 100 بالمائة أي 30.000.00دج ابتدء من 01/01/2008
و السلام عليكم و رحمت الله